سؤال يحتاج الى رد جرىء !!!

بعد السؤال الصعب اللى كتبه مدواى الجروح انا احب اسال سؤال خفيف

ممكن تكون اجابته سهله على البعض وصعبة على البعض الاخر بس ارجو الصراحه بما اننا فى منتدى النقاش الحر


من هو حب العمر بالنسبه لكل واحد فيكوا؟؟؟؟؟ مش شرط الاسم بس هو مين فى حياتك وايه الحاجه اللى بتتمنى انك تهديه بيها؟؟؟؟؟؟؟؟

حب العمر فى حياة اى انسان بيكون الحب الاول بس ممكن الانسان يحب تانى ويكون هو ده حب العمر وطبعا اكيد هاديله حياتى مش هتبقىكتيره عليه بالعكس هتبقى قليله عليه

اكيد كلنا لينا حب عمر حتي لو مكنش حبيب
لينا اب وام ودول ليهم حب يعني منقدرش نتكلم فيه وطول طبعاا ما هنقول مش هنقدر نديهم حقم

اما انا بقي حب العمر الي بالنسبالي هو حبيبي الاولاني
ومهم احب ولا اعيش اي تجربه حب تانيه هتفضل في قلبي علشان ياجماعه حب العمر مش بيتنسي بسهوله مهما دخلنا تجارب تانيه

بس ممكن يكون الحبيب الاولانى ده جرحك وغلط كتير فى حقك

وبعد كده تقابل الحب الحقيقى ده ويكون بيحبك فعلا ويكون بالنسبه ليك هو حب العمـــــــــــر

مهما يكون جرحه او غلطه صدقيني مش بيتنسي مهما عملنا علشان هو ده الحب الحقيقي الي الواحد بيحسه صدقيني لو دخلتي تجربه تانيه مش هتحسي بيها زي الحب الي في الاول وهتبقي خايفه كتير لتتجرحي زي المرة الاولي لكن المرة الاولي بتلاقي نفسك وبتحسي بتغيير كبير واحساسات جميله كتيرررررررررررر

انا مش معاك فى الراى ده يا شيوعى ممكن لو دخلت فى تجربه تانيه تكتشف ان اللى كان فى حياتك قبل كده كانت غلطه وسوء اختيار وتلاقى التجربه التانيه هى فعلا الحب الحقيقى اللى حلمت بيه طول عمرك وممكن كمان يكون هو الحب الابدى لعمرك كله

ويبقى هو ده الحب الوحيد الكلام ده مش من فراغ ده حقيقى فعلا

واختلاف الراى لا يفسد للود قضيه

وانا رأيى ان حب العمر هو الحب اللى بنحكم عليه بقلبنا وعقلنا

ويمكن هو ده الحب اللى يستحق ااننا نقول عليه حب العمر

احنا بنعيش وبنقابل وبنحب وكل مرة بنحب فيها بنقول ان ده حب عمرنا وبعد ما ننجرح ونشوف من العذاب الوان نرجع ونقول ده كان غلطة ماكنش حب

يا جماعة حب العمر مالوش وقت ولا زمان حب العمر احنا بنعيشه فى كل لحظة وبنسميه برده حب العمر

من نظرة من كلمة من ضحكة بتجنى فى الأخر لقصة حب بتعيش عمر بحاله سنة سنتين 10 سنين
وبنقول عليه حب العمر والأخر لما الحكاية تخلص نقول ده كان وهم عمرنا كله

فا الكلمة دى او الجملة دى مالهاش وقت ولا ميعاد ولا شخص معين نقولها ليه

معلش على انى طولت فى الرد

انا راى ان حب العمر هو الحب الصافى الصادق اللى يكمل بنهايه سعيده
اطراف حب العمر لازم يكون بيحسوا ببعض بيفهموا بعض بيعرفوا ايه اللى فى تفكيرهم من غير ما يقلوه ما بيخبوش حاجة على بعض خصوصا ما يخبوش على بعض دى ولازم يكون فى ثقة طبعا

حب العمر حب يطرق ابواب قلبك بدون وقت محدد ويدخل حجراته دون استأذان